28 margolari bildu ziren
Urriaren 25ean, Errebonbillo aire libreko pintura lehiaketaren 35. edizioa ospatu zen Elorrion, Iturrizoro elkartearen antolatzaile lanarekin eta Elorrioko Udalaren laguntzarekin. 28 margolari etorri ziren Euskal Herriko eta Estatu espainiarraren leku ezberdinetatik, Bizkaiatik, Gipuzkoatik, Nafarroatik, Gasteiztik eta Madrildik, Elorrioko kaleetan eta inguruetan lanean aritzeko.
Epaimahaiaren iritziz, aurten aurkeztutako lanen kalitatea oso altua izan da. Lehiaketako lehen irabazlea, Fernando de Vicente (Durango), “Argiñeta” koadroagatik saria jaso zuen; bigarren irabazlea, Ricardo Azkargirta, “Con la iglesia nos hemos topau” lanarengatik; eta hirugarren irabazlea, José Miguel Arranz (Astrabudua), “Bi-Kale eta Erreka” margolanagatik. Era berean, Elorrioko margolari honek herriko sari berezia jaso zuen.
Epaimahaia Itxaso Basauri, Andrea Jiménez, Juanjo Altuna eta Jose Etxebarriak osatu zuten. Antolatzaileek adierazi zutenez, lehiaketa urtez urte sendotzen doa, eta Elorrio aire libreko pintura zaleentzat erreferente bihurtu da. Aurkeztutako lan guztiak azaroaren 14ra arte egongo dira ikusgai Iturri Kultur Etxeko erakusketa-aretoan, goizeko 9:30etik 20:00etara.
